Өчигдөр буюу 2018 оны наймдугаар сарын 9-ний орой Зам тээврийн яамны албан тушаалтанууд ажлын байрандаа архидан согтуурч маргалдсаны улмаас нэгнийхээ аминд хүрчээ. Тус хэргийг одоо Сүхбаатар дүүргийн цагдаагийн хэлтэс шалгаж байгаа аж.

Баттай эх сурвалжийн мэдээлснээр талийгаач нь  тус яамны Хяналт шинжилгээ үнэлгээ дотоод аудитын газрын дарга 38 настай  Г гэгч байсан бол уг хэргийн сэжигтнээр, мөн яамны Төрийн тусгай удирдлагын газрын дарга 48 настай М-ыг холбогдуулан шалгаж байгаа гэх мэдээлэл байна.

Ц.ОРГИЛ