Эрхэм Чанар” протезы үйлдвэрийн захирал А.Оюунцэцэг гэх эмэгтэй Төрийн ордны баруун хойд хаалганы хажууд суулт зарлаад 3 өдөр болж байгаа билээ.
Тэрээр Хөгжлийн бэрхшээлтэй иргэдэд зориулсан нэг цэгийн цогцолбор үйлдвэр барих зорилгоор Төрийн банкнаас 1 тэрбум 500 сая төгрөгийн жилийн 24 хувийн хүүтэй зээлийг 2013 онд авсан аж. Үйлдвэрийн барилгын ажил явагдах хугацаанд зээлээр авсан хөрөнгө хүрэлцээгүй учир байгаа бүх юмаа зарж 2015 онд үйлдвэрээ ашиглалтад оруулсан гэдгээ бидэнд учирласан юм.
Өнгөрсөн хугацаанд авсан зээлийнхээ 600 сая төгрөгийг эргүүлэн төлсөн боловч үүнийг нь зөвхөн зээлийн хүүнд тооцжээ. Мөн үйлдвэрийг 850 сая төгрөгөөр зарж зээлийг барагдуулах шүүхийн шийдвэр гарсан гэнэ. Тиймээс энэхүү асуудал дээр Төрийн бодлого дэмжлэгийг хүсэж Төрийн гурван өндөрлөгтэй уулзах хүсэлтэй байна гэв.
А.ЦЭЛМЭН
А.Оюунцэцэг: Зээлийнхээ 600 сая төгрөгийг эргүүлэн төлсөн боловч зээлийн хүүнд тооцсон |
|