Өнгөрсөн 24 цагт улсын хэмжээнд 16 лабораторид 12605 шинжилгээ хийхэд 218 шинэ тохиолдол бүртгэгдлээ. Улмаар дотоодын халдварын тоо 5610 болсон байна.
210 тохиолдлын 176 нь Улаанбаатарт, Өвөрхангай аймагт 27, Дархан Уул аймагт 10, Төв аймагт таван тохиолдол бүртгэгдсэн.
Энэ хугацаанд 189 хүн эдгэрч эмнэлгээс гарсан бөгөөд эдгэсэн нийт хүний тоо 3947 болжээ.
Нийслэлийн онцгой комиссын Шуурхай штабын орон зайн дүн шинжилгээний бүлгээс энэ сарын 7-ноос хойш батлагдсан "Ковид-19" халдварын 1824 тохиолдлыг мэдээллийн санд бүртгэж, орон зайн дүн шинжилгээний аргачлалаар халдварын эрсдлийн тархалт, нягтрал, чиг хандлагыг тооцоолсон байна. Тус бүлгийн коронавируст халдварын тархалтын идэвхжилтийн тооцооллоор доорх 48 хорооны нутаг дэвсгэрт халдварын төв голомт үүсэж, халдвар тархах өндөр эрсдэлтэй байгаа аж. Үүнд:
-
Чингэлтэй дүүргийн 6, 14
-
Сүхбаатар дүүргийн 1, 2, 9, 10, 15
-
Баянзүрх дүүргийн 5, 6, 7, 14 ,16, 18, 25, 26, 27
-
Хан-Уул дүүргийн 1, 2, 3, 4, 15, 16, 18, 21
-
Баянгол дүүргийн 2, 3, 4, 5, 8, 12, 13, 14, 19, 24, 25
-
Сонгинохайрхан дүүргийн 5, 6, 7, 8, 9, 10, 18, 19, 27, 29, 35, 37, 41 дүгээр хороо халдвар тархах эрсдэлтэй байна.
218 шинэ тохиолдол бүртгэгдлээ |
|