Цогт-Овоо сумын Эрүүл мэндийн төв нь 16 ажилтан, 9 ортойгоор эрүүл мэндийн анхан шатны тусламж үйлчилгээг иргэдэд үзүүлж байна. 2017 оны тоон мэдээллээр нийт 4096 үзлэг үүнээс амбулаторийн үзлэг 2008, гэрийн хяналт 837, түргэн тусламжийн дуудлага 316, алсын дуудлага 173 удаа үзүүлсэн байна.

 

Эрүүл мэндийн тусламж үйлчилгээний чанар хүртээмж, нэр төрлийг нэмэгдүүлэх, осол гэмтлийн болон яаралтай тусламж үйлчилгээний чадавхийг бэхжүүлэх, эрүүл ахуйн чанарын шаардлага хангасан стандартын орчин ээлтэй тусламж үйлчилгээ хүргэх шаардлагатайүүсч байгаа юм. Энэ хүрээнд “Говийн оюу хөгжлийг дэмжих сан”-гийн шийдвэрээр Цогт-Овоо суманд гадна цэвэр, бохир, дулааны шугам сүлжээнд бүрэн холбогдсон 15 ортой эмнэлгийн барилгын ажлыг 3,014,716,561 төгрөгөөр санхүүжүүлэхээр боллоо. Уг барилгын шав тавих ёслол 2021 оны 10 дугаар сард болсон бөгөөд 2022 оны 9 дүгээр сард ашиглалтад оруулахаар ажиллаж байна.  Цогт-Овоо суманд эрүүл мэндийн төв шинээр баригдсанаар эрүүл мэндийн сургалт, болосврол олгох, урьдчилсан сэргийлэх үзлэг, мэс ажилбар, оношилгоо, гадуур үзлэг хийх, яаралтай тусламж, нөхөн сэргээх эмчилгээ хийх боломжтой болж эрүүл мэндийн чанар, үйлчилгээ сайжирна.

 

Цогт-Овоо сумын иргэд шинэ эмнэлэгтэй болно