Улаанбаатар-Эрхүүгийн чиглэлийн олон улсын зорчигч тээврийн галт тэрэг дөрөвдүгээр сарын 30-ны өдрөөс аялахаар болсон. Зорчих иргэд ОХУ-ын хилээр нэвтрэхдээ 48 цагийн дотор хүчинтэй PCR шинжилгээний хариуг Англи хэл дээр, өөрийн гадаад паспортын мэдээлэлтэй тулган бичүүлж авахдаа заавал тамгалуулж эх хувийг цаасаар авч зорчихыг шаардаж байгаа аж.

 

Уг шинжилгээг Улаанбаатар төмөр замын Төв эмнэлэг дээр өгөх боломжтой бөгөөд шинжилгээ өгөхөөр ирэхдээ гадаад паспорт /канондсон хуулбар/, шинжилгээний төлбөр 85 000 төгрөг авч ирнэ. Шинжилгээг хил гарахын өмнөх өдөр өгөх ба шинжилгээний хариугаа тухайн өдрийнхөө 15:00-17:00 цагийн хооронд авна. Хэрэв шинжилгээний хариу эерэг бол УБТЗ-ын Тасалбарын төвд яаралтай мэдэгдэж суудлаа хойшлуулж болох юм.

Улаанбаатар-Эрхүүгийн чиглэлд зорчиход PCR шинжилгээний хариу Англи хэл дээр байх шаардлагатай