АНУ-аас Н2A,  H2B  буюу түр ажил эрхлэх визний ангилалийг хамааруулах улс орны жагсаалтыг гаргаж энэхүү жагсаалтанд Монгол улс багтсан . Тодруулбал  АНУ-ын Ерөнхийлөгч Доналд Трамп хөдөлмөр эрхлэх визийг Монголчуудад олгохоор шийдвэрлэсэн юм.

Тэгвэл Улаанбаатар дахь АНУ-ын ЭСЯ энэ оны гуравдугаар дугаар сарын нэгний өдрөөс эхлэн монгол иргэдэд Н2 ангиллын виз олгож эхэлнэ. Одоогоор Н2 ангиллын визээр АНУ-д ажиллах иргэдийг хэрхэн бүртгэх, ажил олгогчтой холбох нарийвчилсан журмыг АНУ-ын ЭСЯ-тай тохиролцохоор ажиллаж байгаа бөгөөд тодорхой болмогц олон нийтэд мэдээлэх аж.

Мөн олон нийтэд анхааруулахад Н2 ангиллын виз олгож эхэлнэ гэж зарласны дараагаар АНУ-д ажиллах иргэдийг бүртгэж байна, визэнд зуучилна гэх зэргээр залилангийн гэмт хэргийн шинжтэй зарлал, мэдээлэл олноор гарч байгаа тул иргэдийг зөвхөн албан ёсны эх сурвалжаас мэдээлэл авахыг хүсье.