2008 оны долоодугаар сарын 1-ний улс төрийн үймээнд хэлмэгдэн амь насаа алдсан, бие эрхтнээрээ хохирсон иргэдийн ар гэрийнхэн өчигдөр Тусгаар тогтнолын ордны гадаа "Бүү март-7 сарын 1" жагсаалыг зохион байгууллаа.
Тухайн үед 275 хүнийг баривчилж, нэг жилийн дараа өршөөлийн хуулиар сулласан байдаг.
Жагсаалын үеэр хохирогчдын ар гэрийнхэн долоодугаар сарын 1-ний үймээнээс хойш 10 жил өнгөрөхөд хэргийн учир зангилаа, гэм буруутай этгээдүүдийн талаар улс төрийн ямар нэгэн дүгнэлт гараагүй, галт зэвсэгт өртсөн гэм зэмгүй иргэдийн эрх ашгийг хамгаалахгүй байгаад бухимдалтай байгаагаа илэрхийлж байсан юм.
ЭХ СУРВАЛЖ: IKON.MN
