Долдугаар сар гарсаар Монгол орны ихэнх нутгаар хур бороо элбэг байна. 2018 оны долдугаар сарын 15-ны байдлаар ирэх өдрүүдэд нутгийн баруун болон төв аймгийн нутгаар хур бороо элбэгтэй, ахиухан орох төлөв ажиглагдлаа. Тухайлбал, Төв аймгийн Борнуур суманд усархаг бороо орсны улмаас үер буулаа. Мөн өнгөрсөн хоногуудад Баян-Өлгий аймагт ширүүн, усархаг бороо орж үер буусан байна. Сүүлийн орсон борооны улмаас Монгол  Алтай нуруу, Хангай, Хөвсгөлөөс эх авдаг жижиг голын усны төвшин нэмэгдэж, олон жилийн дунджаас ахиу болж байна.

Долдугаар сар дуустал бороо тасралгүй үер буух магадлалтай тул үер усны аюулаас сэрэмжлэхийг иргэдэд анхааруулж байна.

Эх сурвалж: ЦУОШГ