Цөөн үгээр ...
  • Тунисын Эсперанс клуб Африкийн Аваргуудын лигт гурав дахь удаагаа түрүүлэв
  • Украины боксчин Александр Усик аваргын бүсээ хамгааллаа
ШУУРХАЙ: ХХААХҮ-ийн яамны Төрийн нарийн бичгийн дарга тэргүүтэй 4 хүнийг АТГ-аас саатуулжээ
2 долоо хоног өмнө   109
Жижиг дунд үйлдвэрлэлийг хөгжлүүлэх сантай холбоотой асуудлаар АТГ-аас өчигдөр эрх бүхий зарим албан тушаалтнуудыг саатуулсан байна.
 
Тодруулбал, ХХААХҮ-ийн яамны Төрийн нарийн бичгийн даргын үүрэг гүйцэтгэгч Д.Энхбат, Жижиг дунд үйлдвэрлэлийг хөгжүүлэх сангийн захирал С.Төгсбилэг болон тус сангийн ерөнхий нягтлан, бичиг хэрэг зэрэг зарим албан тушаалтнуудыг саатуулан шалгаж эхэлжээ.
 
Эх сурвалжийн мэдээлж буйгаар АТГ-аас ЖДҮХС-ийн захирал С.Төгсбилэгийг өнгөрсөн мягмар гарагт саатуулсан бол бусад албан тушаалтнуудыг өчигдөр саатуулсан гэнэ.
 
Ойрын өдрүүдэд ЖДҮХС-гаас зарим улстөрчид, эрх мэдэлтнүүдэд их хэмжээний зээл дараалан олгож байсан асуудал нь сошиал орчинд ил болон нийгмийн бухимдлыг ихээхэн төрүүлээд байгаа юм. Ерөнхий сайд У.Хүрэлсүх ч асуудалд анхаарал хандуулж, хариуцлага алдсан албан хаагчдад хуулийн дагуу хариуцлага хүлээлгэхээ мэдэгдэж,  ХХААХҮ-ийн сайд С.Батзоригийг үүрэгт ажлаас нь чөлөөлөх шийдвэрээ гаргаад байна.
 
Энэ талаарх мэдээллийг бид эргэн мэдээлэх болно.
 
Ц.ОРГИЛ
ШУУРХАЙ: ХХААХҮ-ийн яамны Төрийн нарийн бичгийн дарга тэргүүтэй 4 хүнийг АТГ-аас саатуулжээ
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0