УИХ-ын гишүүн Ж.Мөнхбатын хэвлэл хариуцсан зөвлөхийн бие үл таних хоёр хүн халдсан байна. Энэ тухай тэрээр өөрийн Фэйсбүүкийн хуудаснаа миний зөвлөхийг гэртээ орох гэж байхад үл таних хоёр хүн халдаж төмрөөр толгойг нь хага цохиж, тархинд нь хүнд гэмтэл учруулж, араас нь боож нүүр амыг нь гэмтээсэн байна хэмээн мэдээлээд байна.

Мөн хариуцлага алдсан Засгийн газрыг огцор, УИХ-ыг тараах гарын үсэг цуглуулна гэсний төлөө миний зөвлөхийн амь нас, эрүүл мэндэд ноцтойгоор халдсан байна. Албан тушаал эрх мэдэл хүний аминаас үнэтэй гэж үү. Энэ асуудлаар цагдаа, тагнуул хууль хяналтын байгууллагад албан ёсоор хандана гэжээ.

 

Ц.ОРГИЛ

 

Ж.Мөнхбатын зөвлөхийн биед үл таних этгээдүүд халджээ