Цөөн үгээр ...
  • Татварын багц хуульд тавьсан Ерөнхийлөгчийн хоригийг хүлээж авах боломжгүй гэж үзлээ
  • Өнөөдрөөс шар тэмдэглэл дээр зогсож түгжрэл үүсгэвэл хариуцлага тооцно
  • УИХ-ын гишүүн Д.Гантулгыг чөлөөлсөн нь хууль зөрчсөн эсэхийг хэлэлцэх тов гарчээ
Номтойбаяр: Зургаан сайдад эрүүгийн хэрэг үүсгээд шалгаж байгаа юм байна гэж ойлгогдож байна.
6 сар өмнө   199
Аюулгүй байдал, гадаад бодлогын байнгын хорооны өнөөдрийн хуралдаанаар ЖДҮХС-гаас зээл авсан УИХ, Засгийн газрын гишүүдийн талаарх мэдээллийг Нийслэлийн прокурорын газар болон АТГ-аас авахаар болсон юм. Гэвч байнгын хорооны ирц бүрдээгүй учир хурал хойшлов. 
 
Энэ талаар УИХ-ын гишүүн Н.Номтойбаяр мэдээлэл хийлээ. 
 
Тэрбээр “Байнгын хорооны хурлын ирц бүрдэхийг хүлээх зуур НПГ-аас нэр бүхий гишүүдийн зүгээс тавьсан албан бичгийн хариуг ирүүллээ. Ямар албан бичиг анх тавьсан бэ гэхээр ЖДҮХС-гийн хэрэгт нэр холбогдоод байгаа ЗТХ-ийн сайд Я.Содбаатар, БОАЖ-ын сайд Н.Цэрэнбат, БХБ-ын сайд Х.Баделхан, ХНХ-ын сайд С.Чинзориг, ЗГХЭГ-ын дарга Г.Занданшатар, УУХҮ-ийн сайд Д.Сумъяабазар нарын зургаан сайдтай холбоотой мэдээллийг албан бичигтээ оруулж, УЕП М.Энх-Амгаланд явуулсан.
 
Прокурорын байгууллагын хариуд 211 ААН-д 100 орчим тэрбум төгрөгийн санхүүжилт олгосныг шалгаж байна гэсэн байсан. Мөн мөрдөн байцаалтын ажиллагаа дуусаагүй тул мэдээлэл өгөх боломжгүй гэсэн байна. 
 
Эндээс дүгнэлт хийхэд, Эрүүгийн хэрэг хянан шалгах тухай хуулийн 29.3-т эрүүгийн хэрэг үүсгээд шалгаж байх явцад мэдээлэл өгөхгүй гэж заасан байдаг. Тэгэхээр нэр бүхий зургаан сайдад эрүүгийн хэрэг үүсгээд шалгаж байгаа юм байна гэж ойлгогдож байна. 
 
Түүнчлэн ажлаа өгсөн БХБ-ын дэд сайд Ш.Лхамсүрэн, Төрийн өмчийн бодлого зохицуулалтын газрын дарга Ц.Ням-Осор, ЗГХЭГ-ын дэд дарга Б.Бат-Эрдэнэ нарт эрүүгийн хэрэг үүсгээд шалгаж байгаа юм байна” гэлээ. 
 
А.ЦЭЛМЭН
 
Номтойбаяр: Зургаан сайдад эрүүгийн хэрэг үүсгээд шалгаж байгаа юм байна гэж ойлгогдож байна.
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0