Цөөн үгээр ...
  • Байнгын хороо: БСШУС-ын сайд Ц.Цогзолмааг огцруулахыг дэмжлээ
  • АНУ шингэрүүлсэн байгалийн хийн томоохон экспортлогчдын нэг болно
  • УИХ-ын 22 гишүүн бүрэн эрхээсээ татгалзаж, шалгуулахаа мэдэгдэв
ЗТХ-ийн сайд Я.Содбаатар өргөдлөө өгч, БСШУС-ын сайд Ц.Цогзолмааг чөлөөлөхөөр боллоо
1 долоо хоног өмнө   150
ЗГХЭГ-ын дарга Г.Занданшатар мэдээлэл хийлээ. Тэрбээр "ЗТХ-ийн сайд Я.Содбаатар ЖДҮХС-гийн асуудалд холбогдсон тул ёсзүйн хариуцлагаа хүлээж, үүрэгт ажлаасаа чөлөөлөгдөх хүсэлтээ өнөөдөр гаргалаа. Тиймээс түүний хүсэлтийг Ерөнхийлөгчтэй зөвшилцөж, УИХ-д өргөн мэдүүлнэ. 
 
Мөн Засгийн газрын гишүүд танхимын зарчмаар ажиллана гэж заасан байдаг. Түүнчлэн Засгийн гишүүд байр сууриа илэрхийлэх, санал өгөхдөө Ерөнхий сайдын байр суурийг дэмжинэ гэж заасан байдаг. Гэтэл БСШУС-ын сайд Ц.Цогзолмаа нь нэр бүхий 27 гишүүний Засгийн газрыг огцруулах бичигт гарын үсгээ зурсан. Тиймээс Засгийн газрын тухай хууль зөрчсөн гэдэг үндэслэлээр Ерөнхий сайд У.Хүрэлсүх үүрэгт ажлаас нь чөлөөлөх саналаа Ерөнхийлөгчтэй зөвшилцөхөөр хүргүүлсэн" гэлээ. 
 
Ингээд сэтгүүлчдийн сонирхсон асуултад хариуллаа. 
 
-Танай намын генсек ЖДҮХС-гаас зээл авсан асуудалд холбогдсон. Нам дотроо хэзээ хариуцлага тооцох вэ? 
 
-ТББ-ууд өөрийн гэсэн дүрэмтэй. Тэгэхээр хуулийн дагуу шийдвэрлэгдэнэ. 
 
-БОАЖ-ийн сайд Н.Цэрэнбатын асуудлыг яах вэ? 
 
-Зарим мэдээллийн хэрэгслээр гүтгэлгийн шинж чанартай мэдээлэл гарсан. Тиймээс зарим сайдууд гүтгэлгийн шинж чанартай мэдээлэлд хариу тайлбар өгсөн. 
 
-Дараагийн сайдуудад ямар шаардлага тавих вэ? 
 
-Дараагийн сайдуудыг сайтар нарийвчлан сонгоно. Ойрын хугацаанд томилох шаардлагатай байгаа. 
 
А.ЦЭЛМЭН
ЗТХ-ийн сайд Я.Содбаатар өргөдлөө өгч, БСШУС-ын сайд Ц.Цогзолмааг чөлөөлөхөөр боллоо
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0