Монгол ардын нам байгуулагдсаны 98 жилийн ойн баяр өнөөдөр тохиож байна. Жил бүр энэ өдрийг "Эх орончдын баяр"-ын өдөр болгон тэмдэглэж ирсэн бөгөөд өнөөдөр шинэ гишүүд элсүүлэх үйл ажиллагаа, Их эзэн Чингис хаан, жанжин Д.Сүхбаатарын хөшөөнд цэцэг өргөж, хүндэтгэл үзүүлэх арга хэмжээ боллоо. 

 

Эх орончдын баярын өдөрт зориулсан Баярын хурал өнөөдөр Тусгаар тогтнолын ордонд болж, Ерөнхий сайд У.Хүрэлсүх, Монгол Улсын Ерөнхий сайд У.Хүрэлсүх үг хэлсэн юм.

 

Тэрбээр, Улс төрийн ууган хүчин Монгол ардын нам байгуулагдсаны 98 жилийн ойн баярын мэндийг өргөн дэвшүүлээд, "МАН 1921 оны Үндэсний ардчилсан хувьсгалыг манлайлан удирдаж эдийн засаг аж ахуйн хувьд хоцрогдсон соёл боловсрол дорой, өвчин эмгэгт баригдаж, мөхлийн эрмэгт ирсэн улс гэгдэж байсан буурай улс орноо сэргээн босгож, хөгжүүлэх хариуцлагатай үүргийг амжилттай биелүүлсэн түүхэн гавьяатай нам юм. МАН улс орныхоо цаг үеийн түүх бүрт сэргээн босгосон, уриалан дуудсан, хөгжил дэвшил рүү чиглүүлэн хөтөлсөн манлайлагч улс төрийн хүчин болсоор ирснийг Монголын ард түмний үе үеийн түүх гэрчилдэг" гэдгийг онцолсон юм.

 

Ц.ОРГИЛ

“Эх орончдын өдөр”-т зориулсан баярын хурал болж байна