Хэнтий аймгийн 42-р тойргоос сонгогдсон УИХ-ын гишүүн Д.Гантулга өөрийн хүсэлтээр чөлөөлөгдсөнөөр тус тойрогт зургадугаар сарын 30-нд нөхөн сонгууль зохион байгуулахаар товлоод буй.
Нөхөн сонгуульд 11 нам оролцохоо мэдэгдэж эхнээсээ нэр дэвшигчдээ тодруулсан. Тухайлбал МАХН-аас намын дарга, Н.Энхбаярыг, АН-с Ж.Оуунбаатарыг нэр дэвшүүлэх саналтай байгаагаа мэдэгдсэн. Харин МАН-ын Бага хурал тавдугаар сарын 28 буюу маргааш хуралдаж нэр дэвшигчээ тодруулна.
Гэвч нэр бүхий дөрвөн иргэн Үндсэн хуулийн цэцэд хандсаны дагуу Үндсэн хуулийн цэцийн дунд суудлын хуралдаанаар өнөөдөр УИХ-ын гишүүн Д.Гантулгыг гишүүнээс чөлөөлсөн, нөхөн сонгууль товлосон УИХ-ын тогтоолууд Үндсэн хууль зөрчсөн эсэх маргааныг хэлэлцлээ.
Цэцийн дунд суудлын хуралдаанаас УИХ-ын гишүүнээс чөлөөлөх 49-р тогтоол Үндсэн хууль зөрчөөгүй харин нь УИХ-ын нөхөн сонгууль товлосон тогтоол тус тус зөрч зөрчсөн гэж үзжээ. Холбогдох хуулийн дагуу Үндсэн хуулийн цэц шийдвэрээ УИХ-д хүргүүлж, ажлын 15 хоногт багтаан хүлээж авах эсэх шийдвэрийг нь баталгаажуулах юм.
Хэнтий аймгийн 42-р тойргоос сонгогдсон УИХ-ын гишүүн Д.Гантулга өөрийн хүсэлтээр чөлөөлөгдсөнөөр тус тойрогт зургадугаар сарын 30-нд нөхөн сонгууль зохион байгуулахаар товлоод буй.
А.ЦЭЛМЭН
УИХ-ын нөхөн сонгууль товлосон тогтоол Үндсэн хууль зөрчсөн гэж үзжээ. |
|