Цөөн үгээр:
  • "Мөрдөн шалгах ажиллагааны явцад амь хохирогч Б галт зэвсэг эзэмших сургалтад хамрагдсан, галт зэвсэг худалдаж авсан нь тогтоогдож байна"
  • Зүүн дөрвөн замаас Халдвартын уулзвар хүртэлх замын хөдөлгөөнийг өнөөдөр 23:00 цагт нээнэ
  • Туркийн Истанбул хотод суух Ерөнхий консул Д.Анхбаяр үүрэгт ажилдаа оржээ
УИХ-ын сонгуульд нэр дэвшигч АТГ-т ХОМ-ээ бүртгүүлнэ
4 жил өмнө   338
УИХ-ын 2020 оны сонгуульд нэр дэвшигч ирэх сарын 17-19-нд https://meduuleg.iaac.mn/ цахим системд Хөрөнгө орлогын мэдүүлэг (ХОМ)-ээ бүртгүүлнэ. Энэ нь 2019 оны 12 дугаар сард УИХ-ын сонгуулийн тухай хуультай хамат баталсан Авлигын эсрэг хуульд орсон шинэ заалт юм.
 
Тодруулбал, өмнө бүх шатны сонгуульд нэр дэвшигч СЕХ эсхүл тойргийн хороондоо ХОМ-ээ цаасаар хүргүүлж, сонгуулийн дүнгээр олонхын санал авсан нэр дэвшигчийн мэдүүлгийг АТГ бүртгэдэг байсан. Харин энэ жилээс эхлэн хэрэгжиж шинэ зохицуулалтаар нэр дэвшигч ХОМ-ээ АТГ-т шууд цахимаар бүртгүүлэх, иргэд тойрогтоо нэр дэвшигчийн мэдүүлэгтэй танилцах, сонгуулийн өмнө болон сонгогдсоны дараа ямар өөрчлөлт гарсныг хянах боломжтой болж буй юм.
 
Энэ талаар АТГ-ын Мэдүүлгийн бүрдүүлэлт, дүн шинжилгээний албаны дарга, ахлах комиссар Ц.Цэцэгдэлгэрэх, “АТГ болон СЕХ-ны дарга нар хамтран энэ сарын 3-нд нэр дэвшигчийн ХОМ-ийн маягтыг баталсан. Нэр дэвшигч өөрийн болон гэр бүлийн гишүүдийнхээ хөрөнгө, орлогын хэмжээ болон хөрөнгөө ямар эх үүсвэрээс бий болгосноо дэлгэрэнгүй бөглөх ёстой. Энэ хүрээнд АТГ-аас нам, эвслүүдэд зөвлөмж хүргүүлэх, ХОМ-ээ хэрхэн мэдүүлэх талаар гарын авлага гаргахаар ажиллаж байна. Ирэх сарын 19-ны 22.00 цагт ХОМ-ээ цахимаар бүртгүүлэх хугацаа дуусна. Үүний дараа бид мэдүүүлгээ бөглөсөн нэр дэвшигчдийн мэдээллийг СЕХ-нд хүргүүлж, хураангуйг нь олон нийтэд танилцуулна" гэв.
 
Э.Чимгээ
УИХ-ын сонгуульд нэр дэвшигч АТГ-т ХОМ-ээ бүртгүүлнэ
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0