Нийслэлийн прокурорын газрын хяналтын прокурор Г.Бясман өнөөдөр /2018.04.11/ хэвлэлийнхэнд хандаж, Ерөнхий сайд асан С.Баяр, Ч.Сайханбилэг нарыг яллагдагчаар татан, цагдан хорих саналаа Сүхбаатар дүүргийн эрүүгийн хэргийн анхан шатны шүүхэд хүргүүлээд байгаа тухай мэдээлсэн. Тэднийг яллагдагчаар татаж, нэг сар хорих уу эсвэл суллах уу гэдгийг шийдэх шүүх хурал өнөөдөр 10.00 цагт болох юм. Монгол Улсын 25 дахь Ерөнхий сайд С.Баяр, 28 дахь Ерөнхий сайд Ч.Сайханбилэг нарыг АТГ-аас Оюутолгойн хөрөнгө оруулалтын гэрээ болон Дубайн гэрээнээс болж, ШШГЕГ-ын 461 дүгээр хорих ангид саатуулаад байгаа билээ.

 

А.ЦЭЛМЭН

Экс ерөнхий сайдуудыг үргэлжлүүлэн хорих эсэхийг өнөөдөр шийднэ