Цөөн үгээр:
  • "Мөрдөн шалгах ажиллагааны явцад амь хохирогч Б галт зэвсэг эзэмших сургалтад хамрагдсан, галт зэвсэг худалдаж авсан нь тогтоогдож байна"
  • Зүүн дөрвөн замаас Халдвартын уулзвар хүртэлх замын хөдөлгөөнийг өнөөдөр 23:00 цагт нээнэ
  • Туркийн Истанбул хотод суух Ерөнхий консул Д.Анхбаяр үүрэгт ажилдаа оржээ
Н.Анхбаяр: Яриа хэлэлцээ нь олон улсад тулгарч буй асуудлыг шийдвэрлэх цорын ганц арга
2 жил өмнө   398
Зүүн хойд Азийн аюулгүй байдлын асуудлаарх “Улаанбаатарын яриа хэлэлцээ” олон улсын 7 дугаар бага хурал 2 өдөр үргэлжилж өндөрлөлөө.
 
ГХЯ-ны Төрийн нарийн бичгийн дарга Н.Анхбаяр тус хурлыг хааж хэлсэн үгэндээ Монгол Улс КОВИД-19 цар тахлын улмаас 2020-2021 онд завсарласан “Улаанбаатарын яриа хэлэлцээ” олон улсын бага хурлыг амжилтай зохион байгуулж, засгийн газрын төлөөлөгчид, эрдэмтэн судлаачид Зүүн хойд Азийн бүс нутгийн аюулгүй байдлын асуудлууд, тэдгээрийг давах, итгэлцлийг бэхжүүлэх талаарх санал бодлоо солилцсоныг тэмдэглэв. Тэрээр энэхүү бага хурал нь бүс нутгийн аюулгүй байдлын асуудлууд, тэдгээрийг давах, итгэлцлийг бэхжүүлэх талаар хэлэлцүүлэг явуулах уламжлалт тавцан болсныг дурдаж, яриа хэлэлцээ нь бүс нутаг, олон улсын түвшинд тулгарч буй аливаа асуудлыг шийдвэрлэх цорын ганц арга гэж онцлов.
 
Уг бага хуралд оролцогчдын төлөөлөл хаалтын хуралдааны дараа Төрийн ордонд зочилж, Монгол Улсын Ерөнхийлөгч У.Хүрэлсүхтэй дурсгалын зураг татуулав. “Улаанбаатарын яриа хэлэлцээ” олон улсын 7 дугаар бага хуралд 20 гаруй улс, олон улсын 30 орчим байгууллага, судалгааны хүрээлэнгийн нийт 150 орчим төлөөлөгч оролцов.
Н.Анхбаяр: Яриа хэлэлцээ нь олон улсад тулгарч буй асуудлыг шийдвэрлэх цорын ганц арга
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0