Комедиан Д.Амартүвшингийн “Либертари нам” ирэх сонгуульд Ардчилсан намтай хамтран оролцохоор болсон тухайгаа өнөөдөр (2024.04.22) олон нийтэд мэдэгдлээ.

 

Энэ талаар Д.Амартүвшин: “Өнгөрсөн долоо хоногт манай намд зургаан нам санал тавьсан. Эдгээрээс үзэл санаа нэгтэй намтай хамтран ажиллах тухай манай намын гишүүд ярилцаж, санал зөрөлдөж байсан. Өнөөдөр бид саналаа нэгтгэж 2024 оны УИХ-ын сонгуульд Ардчилсан намтай хамтран оролцохоор боллоо.

 

Сонгуульд оролцох боломж олгосон Ардчилсан намынхандаа баярлалаа. Манай Либертари нам чөлөөт зах зээлд хувь хүний эрх чөлөөг дээдэлдэг. Хамгийн гол нь улс төрийн тавцангаас эрх чөлөөнд гай болж байгаа тэр бүх зүйлүүдийг зайлуулахын төлөө ажиллана” гэдгээ илэрхийлсэн юм. 

Д.Амартүвшин: Либертари нам 2024 оны УИХ-ын сонгуульд АН-тай хамтарч оролцоно