Цөөн үгээр:
  • "Morningstar" хамтлагийн гоцлол дуучин Б.Аззаяад хар тамхины хэргээр нэг жилийн хорих ял оноожээ.
  • “Охидын чимээ” өсвөр насны охидод зориулсан арга хэмжээ зохион байгуулагдлаа
Худалдаа, хөгжлийн банк Япон улсын Tryfunds компанитай хамтран ажиллах гэрээ байгууллаа
6 жил өмнө   573

Япон Монгол хоёр орны эдийн засгийн хамтын ажиллагааг бизнесийн хүрээнд өргөжүүлэх, гадаад хөрөнгө оруулалт, санхүүгийн эх үүсвэр татах зорилгоор Худалдаа, хөгжлийн банк анх 2014 онд Япон улсын Токио хотноо төлөөлөгчийн газраа нээн өдгөө Японы жижиг, дунд бизнес эрхлэгчдийг Монгол улсад хөрөнгө оруулахад нь зөвлөх үйлчилгээ үзүүлэх, Япон, Монголын компаниудыг холбох, бизнесийг нь дэмжих чиглэлээр амжилттай үйл ажиллагаа явуулсаар байгаа юм.

Уг ажлын хүрээнд Худалдаа, хөгжлийн банк Япон улсын Tryfunds ХХК-тай 2018 оны 8-р сарын 2-ны өдөр хамтын ажиллагааны гэрээ байгуулан, Токио хотноо хэвлэлийн бага хурал хийлээ.

Tryfunds компанийн “BIZIT M&A” платформ нь Япон улсын жижиг дунд бизнес эрхлэгчдэд гадаадад бизнесээ өргөжүүлэх, хөгжиж буй орнуудад бизнесийн гараагаа эхлүүлэх боломжийг олгодгоороо давуу талтай бөгөөд, өдгөө 400 гаруй төслийг амжилттай хэрэгжүүлээд байгаа, Япон дахь хамгийн олон гадаад хэл дээрх мэдээлэлтэй M&A платформ юм.

“BIZIT M&A” платформд компани худалдах болон худалдан авах сонирхолтой талууд мэдээллээ бүртгүүлэн, бизнесийн шинэ хамтрагчаа хялбархнаар хайж олох, мэдээлэл цуглуулах боломжтой ба, өмнө нь хөрөнгө оруулагчидтай анхан шатны мэдээлэл солилцохоор уулзалт товлон, хэлэлцээр хийдэг байсан бол уг хамтын ажиллагааны үр дүнд цаг алдалгүйгээр мэдээллээ интернэтээр солилцон, хөрөнгө оруулалт олох боломжийг олгож байгаагаараа өндөр ач холбогдолтой юм. 

 

Та бүхэн доорх линкээр орж бүртгүүлэх боломжтой. http://ma.biz-it.co

Бүртгүүлэхэд үнэ төлбөргүй

 

Худалдаа, хөгжлийн банк Япон улсын Tryfunds компанитай хамтран ажиллах гэрээ байгууллаа
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0