Санхүүгийн зохицуулах хороо, НҮБ-ын Хөгжлийн хөтөлбөрийн "Монгол Улсын Тогтвортой Хөгжлийн Зорилгуудын хэрэгжилтийг дэмжих системийн хандлагыг төлөвшүүлэх нь” төслийн хүрээнд хамтран санхүүгийн зах зээлийн мэргэжлийн оролцогчдын төлөөлөлд санхүү, эдийн засаг, нийгмийн хөгжил дэвшил, хүртээмжтэй өсөлтөд нэн чухал болоод байгаа тогтвортой санхүүжилт, жендер бондын талаар сургалт зохион байгууллаа.

 

Энэ үеэр компанийн бондын ач холбогдол, түүний зохицуулалт, Монгол Улсын жендерийн нөхцөл байдал, жендерийн мэдрэмжтэй хөрөнгө оруулалт, Жендер бондын олон улсын туршлага, стандартууд болон жендерийн тэгш байдлыг хангахад тулгарч буй сорилтуудтай нийцсэн Жендер бондын хүрээ зэрэг сэдвээр хэлэлцсэн юм. 

 

Санхүүгийн зохицуулах хорооны Ажлын албаны дарга Т.Жамбаажамц, НҮБ-ын Хөгжлийн хөтөлбөрийн Монгол Улс дахь орлогч суурин төлөөлөгч Лин Цао нар сургалтыг нээж үг хэлсэн бөгөөд Монгол Улсын хөрөнгийн зах зээлд томоохон эерэг өөрчлөлт гарч, зах зээл идэвхжин компаниуд үнэт цаас гаргах сонирхол өсөж буй энэ цаг үед компанийн бондын ач холбогдол, жендерийн олон улсын туршлага, стандартын ойлголтын үндсэн дээр ногоон бонд, жендер бонд гаргах, хямд санхүүжилт татах замаар хөрөнгийн зах зээлд идэвхтэй оролцож, эдийн засаг, санхүүгийн салбарын цаашдын хөгжилд хувь нэмрээ оруулахыг уриаллаа.

Санхүүгийн зохицуулах хороо НҮБ-ын Хөгжлийн хөтөлбөртэй хамтран "Жендер бонд" сургалт зохион байгууллаа