Нийслэл хот жил бүр “Даншиг” наадам хийдэг уламжлалтай болсон. Наадмын зорилго нь гадаадын жуулчдыг татах, уламжлалт соёл, ёс дэгээ хадгалж уламжлах явдал юм.

Тэгвэл энэ жилийн "Даншиг наадам Хүрээ цам 2018" шашин соёлын наадам ирэх сарын 4,5-ны өдрүүдэд Хүй 7 худагт болох гэж байна. Энэ наадмын үеэр лам нарын дунд ном хаялцах, мэтгэлцэх, балин тосон урлалын тэмцээн зохиогддог ба цам харайх, маань татах, Соёмбот туг залах, шашны сүлд дуулал эгшиглүүлэх зэрэг олон сонирхолтой арга хэмжээнүүд боллх юм. Мөн 256 хүчит бөх барилдан, их насны болон жороо морьд уралдах бөгөөд морьт харвааны тэмцээнийг зохион байгуулна.

Та бүхэнд ирэх долоо хоногийн амралтын өдрүүдээр болох “Даншиг наадам, Хүрээ цам-2018” шашин соёлын наадмын хөтөлбөрийг хүргэж байна.

Ц.ОРГИЛ