Өмнөговь аймагт Даланзадгад хотод хоёр дахь гэрэлт гудамжийг байгуулжээ. Гэрэлт гудамжийг тус аймгийн ерөнхий боловсролын сургуулийг 1998 онд дүүргэсэн төгсөгчдийн “Их говийн тэнгэрлэг залуус-98” холбооны гишүүд байгуулсан байна.

Хотын соёл, өнгө үзэмжийг сайжруулж төв саадны зүүн хэсгийн нийт 200 метр хайсан хашааг будаж, засварлан сандал сүүдрэвч хийж, иргэд салхилан тухлах ая тухтай орчныг бүрдүүлсэн байна. Мөн саадны ус хүрэлцэхгүй, гэрэл цахилгаан байхгүй хэсгүүдийг засаж, ус цахилгааны асуудлыг шийдсэн байна. Тэд энэ жил төгсөлтийнхөө 20 жилийн ойг угтан ийнхүү бүтээн байгуулалтад гар бие оролцож байгаа аж.

Ц.ОРГИЛ