Сайн байна уу? Танд энэ өдрийн мэндийг хүргэе. Ярилцлагаа 2020 оны 03-р сард зохион байгуулагдах гэж буй Сурагчдын Үндэсний аварга шалгаруулах илтгэх ур чадварын тэмцээний талаар эхлүүлье. 

 

Сайн байна уу? Танай хамт олонд ч энэ өдрийн мэндийг дэвшүүлье. “Mongolian High School Public Speaking Championship- 2” 2020 оны 03-р сарын 13-нд зохион байгуулагдах гэж байна. Өмнө жилийн тэмцээнд 976-н сурагч оролцож байсан бөгөөд энэ тэмцээний хувьд сурагчдын дунд аль хэдийн хүлээлт мөн ур чадварын олимп шиг болсон гэж хэлж болно. 

 

Сүүлийн жилүүдэд илтгэх урлаг, илтгэх ур чадварын тэмцээн олон зохион байгуулагдах боллоо. Энэ тэмцээн бусад тэмцээнүүдээс юугаараа онцлог вэ? 

 

Миний мэдэхээр л сүүлийн 10-н жилийн турш Монгол улсад Илтгэх ур чадварын 1000 орчим оролцогчтой, 25 сая төгрөгийн шагналын сан бүхий тэмцээн зохион байгуулагдаагүй санагдаж байна. 2020 онд энэхүү тэмцээн нь 2 дахь жилдээ зохион байгуулагдах гэж байгаа тул зохион байгуулагчдын нэгдсэн баг илүү өндөр төвшинд зохион байгуулахаар хичээж байна. Учир нь энэ тэмцээнд 2020 ахлах ангийн сурагчид өөрийн үзэл бодлоо илэрхийлэх гэж байна. Мөн энэхүү тэмцээнийг санаачлан зохион байгуулагч Отгонтэнгэр Их Сургуулийн хувьд оролцсон 2020 ахлах ангийн сурагчдад 10 хувиас 200 хувийн тэтгэлэг гардуулан өгөх болсон.  

 

Mongolian High School Public Speaking Championship тэмцээнд хэрвээ оролцох гэж байгаа ахлах ангийн сурагчид байвал хамгийн эхэнд юу хийх ёстой вэ?

 

 Цаг үеийн нөхцөл байдлаас болоод бид энэ удаагийн тэмцээний бүртгэлийг 88951857 дугаарт авч байна. Бүртгэлийн хураамж 0 төгрөг тул тэмцээнд оролцох сонирхолтой сурагчид шаардлагатай мэдээллээ бүртгэгчид хэлэхэд л болно. Харин мандатыг тус өдөр мандат тараах цэгээс авах боломжтой. 

 

Энэхүү тэмцээнд 2020-н сурагч оролцон гэж та хэллээ. Бүгд эхний шатанд илтгэлээ хэлэлцүүлэх үү?

 

Яг нэг цаг дор 2020-н сурагч зэрэг илтгэл хэлэлцүүлсэн тэмцээн бол ховор. Улсын шинжтэй тэмцээнүүд хүртэл аймаг, дүүрэгт эхний шатаа хийсэн ч төдийлөн оролцогч нар минь 1000 хүрсэн удаа ховор шүү дээ. Гэхдээ энэ тэмцээний хувьд 44 шүүгч, 83-н зохион байгуулагч 22 танхимд зэрэг хуваагдан ажиллах тул 2020-н ахлах ангийн сурагчид өөрийн илтгэлийн 2020 оны 03-р сарын 13-ний өдөр хэлэлцүүлэх болно. 

 

Илтгэлийн тэмцээний хувьд хамгийн чухал нь илтгэлийн сэдвүүд байх гэж би боддог. Энэ удаагийн тэмцээний илтгэлүүд сэдвүүдээс хуваалцаач.

 

Энэ удаагийн тэмцээнийг Цагдаагийн Ерөнхий газар, Нийслэлийн Гэр бүл, Хүүхэд, Залуучуудын хөгжлийн газар дэмжин ажиллаж байна. Иймд эхний шатны сэдвүүдийг Гэмт хэргээс урьдчилан сэргийлэх талаар сурагчдын үзэл бодлыг сонсох зорилготой өгсөн. Нэгдүгээр шат: Хорт зуршилд цэг тавих болно, Архи бол амьдралын дайсан, Цахим орчинг зөв хэрэглэж сурцгаая, Дүрмээ мөрдөцгөөе гэсэн сэдвүүдийн хүрээнд явагдах болно. 

 

 

Энэхүү тэмцээн нь хэдэн үе шаттай зохион байгуулагдах вэ? Үе шатуудын онцлогийн талаар хэлэх боломжтой болов уу?

 

Үндэсний аварга шалгаруулах илтгэх ур чадварын тэмцээн нь 4-н үе шаттай зохион байгуулагдана. Үе шатуудын онцлог болон бусад дэлгэрэнгүй мэдээллийг одоо өгөх боломжгүй. Илтгэх ур чадвар гэдэг бол сэтгэлгээний тулаан л гэсэн үг шүү дээ. 

 

Тэмцээнд оролцогчид юунд анхааран бэлтгэлээ базаах ёстой вэ? Илтгэх хугацааны хувьд хэдэн минут байх вэ?

 

Маш чухал асуулт байна. Тэмцээнд оролцогчдын хувьд нэмэлт төхөөрөмж болох дуу өсгөгч, шуум, дэлгэц зэрэг ашиглахгүй. Мөн илтгэл хэлэлцүүлэх хугацаа 3-4 минут байна. Та өөрийн илтгэлийн 3-4 минутад хүссэн үедээ дуусгах боломжтой гэсэн үг. 

 

Аливаа тэмцээн уралдаанд шүүн дэнслэх арга, шүүгч бол хамгийн чухал үүрэг гүйцэтгэдэг. Тэгэхээр энэ тэмцээнийг ямар хүмүүс шүүн явуулах вэ?

 

Бид Mongolian High School Public Speaking Championship тэмцээнийг зохион байгуулах гэж байна шүү дээ. Энэ бол Үндэсний аварга шалгаруулах илтгэх ур чадварын тэмцээн. Тиймээс шүүгчдийг нээлттэй бүртгэж, тодорхой шалгуурыг баримталж, шалгуурт тэнцсэн шүүгчдийг сургалтад хамруулан тус тэмцээнийг шүүх эрхийг олгох болно. 

 

Бидний урилгыг хүлээн авч хүрэлцэн ирсэн танд баярлалаа. Бидний ярилцлага энэ хүрээд өндөрлөх гэж буй тул та оролцох сонирхолтой байгаа сурагчдад хандан үг хэлээч. 

 

“Хорвоогийн хамгийн хэцүү зүйл бол өөрийн тархи толгойгоор сэтгэх явдал юм” гэж Генри Форд хэлсэн байдаг. Илтгэх ур чадвар бол зөвхөн өөрийн тархиар сэтгэдэг салбар юм. 

 

Н.Тамир