Азийн наадмын жүдо бөхийн тэмцээн өнөөдөр эхэллээ. Эмэгтэйчүүдийн 48 кг-д барилдаж буй М.Уранцэцэг Тайванийн бөхийг цэвэр ялж, хагас шигшээд шалгарсан байна.

ДАШТ-ий алт, мөнгөн медальтай, Гавьяат тамирчин тэрбээр мөнгөн медалийн төлөө олимпын мөнгө, ДАШТ-ий хүрэл медальт, БНСУ-ын бөх Жон Бо Кеонтой барилдах аж. Тэд Риогийн олимпын хагас шигшээд өрсөлдөхөд М.Уранцэцэг санамсаргүйгээр хориотой үйлдэл (өмдөнд нь гар хүрсэн) хийн, ялагдаж байсан юм.

“Жакарта-Палембан-2018”-д Казахстан улсын нэрийн өмнөөс барилдаж буй олимп, ДАШТ-ий хүрэл медальт Г.Отгонцэцэг БНАСАУ-ын Жон Ю Соныг вазари үнэлгээгээр ялав. Тэрбээр мөнгөн медалийн төлөө олимпын хүрэл, ДАШТ-ий нэг алт, хошой хүрэл медальт, Японы бөх Кондо Амитай өрсөлдөх ажээ.

 

 

М.Уранцэцэг, Г.Отгонцэцэг нар хагас шигшээд шалгарлаа