Цөөн үгээр:
  • "Morningstar" хамтлагийн гоцлол дуучин Б.Аззаяад хар тамхины хэргээр нэг жилийн хорих ял оноожээ.
  • “Охидын чимээ” өсвөр насны охидод зориулсан арга хэмжээ зохион байгуулагдлаа
16 настай Анна Щербакова рекорд тогтоон түрүүлэв
3 жил өмнө   520
Оросын уран гулгалтын аварга шалгаруулах тэмцээний хос болон эмэгтэй ганцаарчилсан төрлийн аваргууд өчигдөр(2020.12.26) Челябинск хотод тодорлоо. Бүх Оросын төдийгүй дэлхийн анхаарлын төвд үргэлж байдаг эмэгтэй ганцаарчилсан төрлийн аваргаар өдгөө 16 настай Анна Щербакова 264.10 оноо авч рекорд тогтоон тодорчээ. Тэрбээр ийнхүү Оросын аваргаар гурван жил дараалан тодорч байна. Хэдийгээр Анна Щербакова Оросын төдийгүй дэлхийн рекордыг эвдсэн ч энэхүү тэмцээн нь олон улсын тэмцээн биш байсан учир дэлхийн рекорд хэмээн бүртгээгүй ажээ.
 
Анна Щербаковагаас өмнө домогт Ирина Слуцкая 1999-2001 онуудын хооронд гурав дараалан түрүүлж байв.
 
Харин дэд байранд 14 настай Камила Валиева 254.01 оноо авч шалгарсан бол гутгаар байранд 16 настай Александра Трусова 246.37 оноотойгоор шалгарчээ.
 
Анна Щербаковагийн багшаар алдарт Этери Тутберидзе ажилладаг юм. Этери Тутберидзегийн гараас олимп, дэлхийн аварга Алина Загитова, олимп, дэлхийн мөнгөн медальт Евгения Медведева зэрэг шилдэг тамирчид төрөн гарчээ.
16 настай Анна Щербакова рекорд тогтоон түрүүлэв
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0