Норверги улсын Лиллехаммер хотод пара цанын дэлхийн аварга шалгаруулах тэмцээн энэ сарын 8-24-нд боллоо. Тэмцээний 20 км-ын зайд манай улсаас Үндэсний шигшээ багийн дасгалжуулагч Ж.Дашдондогийн удирдлага дор хоёр тамирчин өрсөлдөв. Манай тамирчин Ц.Дашдорж 10, Б.Ганболд 13 дугаар байрт орлоо. Тэд үргэлжлүүлэн Швед улсад энэ сарын 24-29-нд болох дэлхийн цомын тэмцээний гурван зайд уралдах юм байна.

 

Б.Ганболд нь “Бээжин-2022” өвлийн паралимпын наадамд өрсөлдөх эрхээ авсан юм. Харин Ц.Дашдорж дээрх хоёр тэмцээний дүнгээс харгалзан “Бээжин-2022” паралимпын наадамд өрсөлдөх эсэх нь шийдэгдэнэ.

Пара цанын дэлхийн аварга шалгаруулах тэмцээний 10, 13 дугаар байрт оржээ