Австрийн Грац хотод болсон Европын 100 метрийн хурдан гүйлтийн тэмцээнд Их Британийн 30 настай нягтлан бодогч залуу тэргүүлэн, дээд амжилт тогтоосон нь олныг гайхшруулж байна. Евгений Амо-Дадзи бүтэн цагийн нягтлан бодогчоор ажилладаг бөгөөд мэргэжлийн бус, ямар ч спонсоргүйгээр оролцсон цөөн тамирчдын нэг юм. 

 

Тэрээр бусад тамирчид шиг бүтэн цагийн бэлтгэл хийдэггүй ч ажлынхаа хажуугаар дөрвөн жилийн турш бэлтгэлээ хангаж 100 метрийг 9.9 секундэд туулан дээд амжилт тогтоожээ. Тэр ийнхүү Европын ойрын зайн хамгийн хурдан гүйгч, Их Британийн бүх цаг үеийн хамгийн хурдан дөрвөн тамирчны нэг болжээ. 

 

Евгений "Би гүйлтэд яг л зөв цагтаа орсоноо мэдэрдэг. Гүйхэд яг л нисэх мэт санагддаг нь гайхалтай. Би одоо ч өөрийгөө гүйлтээр хичээллэдэг нягтлан л гэж хэлнэ" гэжээ. 

30 настай нягтлан бодогч залуу 100 метрийг 9.9 секундэд туулан дээд амжилт тогтоожээ