АНУ-ын Ерөнхийлөгч Дональд Трамп Москвад айлчлахыг зөвшөөрсөн тухай Цагаан ордны мэдээлэлд тулгуурлан “Ройтерс” агентлаг мэдээллээ. Кремлийн зүгээс албан ёсны урилга авсан Цагаан ордны тэргүүн “Москваг зорино. Гэхдээ ОХУ-д авсан хориг арга хэмжээг хэвээр үлдээнэ” хэмээн цахим хуудастаа бичжээ. “Ерөнхийлөгч Д.Трамп, ирэх жилийн эхээр Ерөнхийлөгч В.Путинг Вашингтонд айлчлахыг хүлээж байна. Мөн тэрбээр албан ёсны урилга авангуутаа л “Москвад айлчлахад бэлэн” гэж Цагаан ордны хэвлэлийн төлөөлөгч Сара Сандерс мэдэгдлээ. Оросын төрийн тэргүүн Владимир Путин Америкийн Ерөнхийлөгчид өнгөрсөн сарын 27-нд урилга илгээсэн байна. Цагаан ордны тэргүүн “Ираны тал уулзалт хийнэ гэдэгт найдаж байна. Ямар нэгэн урьдчилсан нөхцөлгүйгээр, хэзээ ч хамаагүй уулзахад бэлэн гэж” жиргэжээ Мөн тэрбээр дипломат үйл ажиллагаа явуулах нь ямар үр өгөөжтэй болохыг дурдаад, ОХУ-ын ерөнхийлөгч В.Путин, Умард Солонгосын удирдагч Ким Жон Ун, НАТО-гийн удирдлагуудтай хийсэн уулзалтууд амжилттай болж сайн үр дүнд хүрсэн гэж мэдэгдсэн байна. Д.Трампын Засаг захиргаа өнгөрсөн тавдугаар сард Ираны цөмийн тухай гэрээнээс АНУ-ыг гаргах шийдвэрийг гаргасны улмаас хоёр улсын харилцаа муудаж эхэлсэн. Үүнтэй холбогдуулан АНУ, Иранд үзүүлэх улс төрийн дарамт шахалтаа эричмжүүлж, тус улсад дахин хориг арга хэмжээ авна гэж мэдэгдсэн юм

А.ЦЭЛМЭН