Цөөн үгээр:
  • "Morningstar" хамтлагийн гоцлол дуучин Б.Аззаяад хар тамхины хэргээр нэг жилийн хорих ял оноожээ.
  • “Охидын чимээ” өсвөр насны охидод зориулсан арга хэмжээ зохион байгуулагдлаа
67 жилийн дараа уулзсан ээж, хүү хоёр
6 жил өмнө   546

“Биднийг салгахад  хүү маань дөрвөн настай байлаа. Би юу хийхээ ч мэдэхгүй байв” хэмээн өдгөө 92 настай Ли Кем Сом ярьжээ. Тэрбээр Солонгосын дайны улмаас хүүгээсээ хагацаж, түүнийг 67 жил хараагүй байна.

“Би хүүтэйгээ дахиад уулзвал “Чи хаана байв аа? Хэнтэй амьдарч байна? Амьдрал нь хэр байна даа?” гэж асуумаар байна. Би энэ өдрийг хэзээ ч ирнэ гэж төсөөлж байсангүй. Хүүгээ амьд мэнд эсэхийг ч мэдэхгүй байсан” хэмээн AFP  агентлагт ярьжээ.

Ли Кем Сом 1951 он буюу Солонгосын дайнаас хойш хүүтэйгээ уулзаагүй байна. Хүү нь Умардад, харин өөрөө Өмнөд Солонгост үлджээ. Тэдний уулзалт гурав хоног үргэлжлэх бөгөөд дахин бие биетэйгээ уулзаж чадах  эсэх нь тодорхойгүй байна. 

Дайны улмаас салж хагацсан гэр бүлүүдийг уулзуулах уг ажлыг өнгөрсөн 18 жилийн хугацаанд 20 удаа зохион байгуулжээ. 

Ах, эгч нь дүүтэйгээ, эцэг эх нь хүүхэдтэйгээ, нөхөр нь  эхнэртэйгээ уулзсан байна.

Гэр бүлтэйгээ уулзахыг хүссэн Өмнөд Солонгосчуудыг сугалаагаар сонгосон бөгөөд тэдний хамгийн ахмад нь 101 настай аж.

 

Эх сурвалж: BBC

 

67 жилийн дараа уулзсан ээж, хүү хоёр
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0