Цөөн үгээр ...
  • Тунисын Эсперанс клуб Африкийн Аваргуудын лигт гурав дахь удаагаа түрүүлэв
  • Украины боксчин Александр Усик аваргын бүсээ хамгааллаа
Samsung, Apple компани торгууль төлөхөөр боллоо
2 долоо хоног өмнө   121
Италийн монополийн эсрэг байгууллага Samsung, Apple-г гар утасны ажиллагааг удаашруулдаг программ хангамж гаргасан хэмээн торгууль ногдуулах шийдвэр гаргалаа.
Уг шийдвэрийн дагуу компани тус бүр таван сая еврогийн торгууль төлөхөөр болж байна. Гэхдээ Apple-ийн хувьд өөр хэрэг ч байгаа аж. Тодруулбал Америкийн компани үйлчлүүлэгчдэдээ үйлчилгээ, iPhone утасны зайг солих бүрэн мэдээлэл өгөөгүйнхээ төлөө нэмж 5 сая евро төлнө. 
 
Италийн хэрэглэгчид эдгээр компанийг хэрэглэгчдийг шинэ загварын гар утас худалдан авахуулахын тулд хуучин төхөөрөмжүүдийнхээ ажиллагааг бууруулдаг гэсэн гомдол гаргасан юм. Apple компани ч мөн хуучин iPhone-уудынхаа үйл ажиллагааг бууруулж, программ хангамжийг нь өөрчилдөг байснаа хүлээн зөвшөөрсөн билээ. 
 
Харин Samsung Италийн энэхүү шийдвэрт дургүйцэж байгаагаа илэрхийлсэн байна. Тус компани хуучин төхөөрөмжөө зориудаар удаашруулж, шинийг гаргадаг байгаагүй гэжээ. 
 
Энэ хэргээр Францад ч мөн мөрдлөг шалгалтын ажил явагдаж байна.
 
Ц.ОРГИЛ
Samsung, Apple компани торгууль төлөхөөр боллоо
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0