Цөөн үгээр:
  • "Morningstar" хамтлагийн гоцлол дуучин Б.Аззаяад хар тамхины хэргээр нэг жилийн хорих ял оноожээ.
  • “Охидын чимээ” өсвөр насны охидод зориулсан арга хэмжээ зохион байгуулагдлаа
Японд зоогийн газарт дэлбэрэлт болж, 42 хүн гэмтэж бэртжээ
5 жил өмнө   535
Японы хойд нутагт байрлах Хоккайдо арлын Саппоро хотын нэгэн зоогийн газарт өнгөрсөн ням гаригт газ дэлбэрсний улмаас 42 хүн бэртэж гэмтсэн талаар орон нутгийн хэвлэл мэдээллийн хэрэгслүүд болон цагдаагийн байгууллагаас мэдээлжээ. Дэлбэрэлтийн улмаас тус зоогийн газрын цонхнууд хагаран, ойр орчмын газруудад модны хог хаягдал хөглөрсөн байна. Зарим оршин суугчид дээрх дэлбэрэлтийг газар хөдөллөө хэмээн бодсон талаараа сэтгүүлчдэд ярьжээ.
 
Гал сөнөөгчид галыг унтраахаар зургаан цагийн турш ажилласан байна. Нэгэн гэрч Японы олон нийтийн NHK радио телевизэд мэдээлэхдээ “Дэлбэрэлт болсны дараа хий үнэртэж байсан” хэмээн хэлжээ. “CNN” агентлагийн мэдээлснээр, түймэр гарсан зоогийн газар байрладаг Тоёхира дүүрэгт зоогийн болон цэнгээний олон газар үйл ажиллагаа явуулдаг байна. Цагдаагийн газрын мэргэжилтнүүд дахин гал түймэр гарч, хүмүүс бэртэхээс урьдчилан сэргийлэх зорилгоор зоогийн газрын ойролцоох газарт хамгаалалтын тууз татжээ. Орон нутгийн цагаар 20:30 цагийн орчимд болсон тус дэлбэрэлтийн шалтгааныг тогтоохоор холбогдох албаныхан ажиллаж буй юм байна.
 
Эх сурвалж: The Japan Today
Японд зоогийн газарт дэлбэрэлт болж, 42 хүн гэмтэж бэртжээ
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0