Цөөн үгээр:
  • COVID-19: Маракана цэнгэлдэх хүрээлэнг эмнэлэг болгоно
  • Японд коронавирусний халдвар авсан хүний тоо 1300 давжээ
  • Говь-Алтайд гурван удаа газар хөдөлжээ
Италийн жижиг хотод коронавирусийг хэрхэн зогсоов
2 долоо хоног өмнө   402
 
Италийн хойд нутгийн нэгэн жижиг хотод шинжилгээний тусламжтайгаар коронавиурсний халдварын тархалтыг таслан зогсоожээ.
 
Венец хотоос холгүй орших Во Эгуанео хот “COVID-19”-ийн Европ дахь голомт болоод байсан бөгөөд шинжилгээ хийх ажлыг эхнээс нь идэвхтэй явуулж, шинж тэмдэг илэрсэн эсэхээс үл хамааран хотын бүх 3400 оршин суугчид коронавирусний  шинжилгээ хийжээ. Батлагдсан оноштой хүмүүсийг тусгаарлаж, тэдэнтэй ойр байсан хүмүүсийг ч бас хатуу дэглэмтэй хөл хорионд оруулсан байна.
 
Арав хоногийн дараа бүх хүнд давтан шинжилгээ хийсэн бөгөөд өвчилсөн хүний тоо 90 хувиар буурсан гэж туршилтад оролцсон, “Imperial College London” их сургуулийн профессор Андреа Кресанти Итали, Британийн хэвлэлүүдэд ярьжээ.
 
Италид коронавирусний халдвараар нас барсан анхны тохиолдол Во Эгуанеод хоёрдугаар сарын 22-нд бүртгэгдсэн бөгөөд тус хотын эрүүл мэндийн байгууллагууд халдварын тархалтыг бүрэн зогсоож чадсан байна.
 
“Шинжилгээ маш чухал байсан, энэ нь олон хүний амийг аварсан" гэж хотын дарга Жулиано Мартини сэтгүүлчдэд ярьжээ.
 
Эх сурвалж: BBC
Италийн жижиг хотод коронавирусийг хэрхэн зогсоов
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0