Цөөн үгээр:
  • "Мөрдөн шалгах ажиллагааны явцад амь хохирогч Б галт зэвсэг эзэмших сургалтад хамрагдсан, галт зэвсэг худалдаж авсан нь тогтоогдож байна"
  • Зүүн дөрвөн замаас Халдвартын уулзвар хүртэлх замын хөдөлгөөнийг өнөөдөр 23:00 цагт нээнэ
  • Туркийн Истанбул хотод суух Ерөнхий консул Д.Анхбаяр үүрэгт ажилдаа оржээ
Украинд гарсан ойн түймэр Чернобылийн атомын цахилгаан станцад тулж иржээ
4 жил өмнө   493
Украины хойд хэсэгт сүүлийн хэдэн өдрийн турш шатаж буй ойн түймэр хүрээгээ тэлсээр Чернобылийн атомын цахилгаан станцын балгасанд ойртож иржээ.
 
Тус бүс нутагт аялал жуулчлалын бизнес эрхэлдэг Ярослав Емельяненкогийн өгсөн мэдээллээр түймрийн гал хаягдсан хот Припятийн захад нэгэнт хүрсэн бол Чернобылийн атомын цахилгаан станцын хамгийн аюултай голомтод хоёр километр орчим зайтай ойртсон байна.
 
Хэрвээ Припять хот түймэрт шатвал аялал жуулчлалын нэг гол бүтээгдэхүүнээ алдах аюултайг Емельяненко мэдээлжээ. Жил бүр олон мянган жуулчин 30 гаруй жилийн өмнө хаягдсан энэ хотыг ирж үздэг юм.
 
Одоо станцаас 30 км радиус дотор хүн амьдрахыг хориглодог юм.
 
Зөвхөн 2017 онд Припять хотод 70,000 гаруй жуулчин ирж байжээ. HBO компанийн “Чернобыль” цуврал зах зээлд гарсны дараа энэ тоо огцом нэмэгдсэн байна.
 
Чернобылийн ойролцоох түймэр анх дөрөвдүгээр сарын 4-ний өдрөөс эхлэн шатсан юм. Хаалттай бүсийн ойролцоо амьдардаг эрэгтэй хуурай өвс шатааж зугаацаж байгаад гал алдсан гэдэг. Түймрийн хамгийн том хэсэг нь 34,000 гектар талбайг хамарсан тухай Greenpeace байгууллагын Орос дахь салбар мэдээлжээ.
 
 
Эх сурвалж: BBC
Украинд гарсан ойн түймэр Чернобылийн атомын цахилгаан станцад тулж иржээ
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0