ЭМЯ-ны Гадаад харилцаа, хамтын ажиллагааны хэлтсийн дарга Б.Янжмаа COVID-19 цар тахлын эсрэг эм, вакцины талаар мэдээлэл өгснийг хүргэж байна.

 

ОХУ-ын Эрүүлийг хамгаалах яамны мэдээлснээр тус улсад "Фавипиравир" эмийг коронавирусийн эмчилгээнд хэрэглэх зөвшөөрөл олгож, бүртгэлжүүлсэн байна. Уг эмийг Япон улсын Авиган эмийн вирусийн үйлчилгээг зогсоох үндсэн үйлдэл дээр суурилж ОХУ-д үйлдвэрлэжээ.

 

Клиникийн эхний шатны туршилтаас харахад уг эмийг хэрэглэсэн өвчтөнүүд 4 хоногийн хугацаанд вирусийн үржил зогсож, 3 дахь өдрөөс биеийн халуун хэвийн байдалд орж байсан гэж мэдээлжээ. Цаашид илүү олон тооны өвчтөнийг хамруулан дараагийн шатны эмнэл зүйн туршилтыг хийх юм байна.

Мөн ОХУ-д одоогоор вакцин гаргах 10 гаруй төсөл идэвхтэй хийгдэж байгаагаас тус улсын вирус судлал, биотехнологийн Вектор төвд 6 төсөл идэвхтэй хийгдэж байна. Вакцины клиникийн туршилтыг ирэх есдүгээр сараас хийх тухай мэдээлэл өгчээ.

 

Б.Сайханзаяа

ОХУ "Фавипиравир" эмийг коронавирусийн эмчилгээнд хэрэглэх зөвшөөрөл олгожээ