Канадын эрүүл мэндийн салбарын гурав дахь өндөр албан тушаалтан гэгддэг доктор Тереза Там өчигдөр коронавирусийн цар тахлын үед хэрхэн аюулгүй бэлгийн хавьталд орох талаар зөвлөгөө өгсөн байна.

 

“Бэлгийн хавьталд орох нь Covid-19 тахлын үед эрсдэлтэй үйлдэл юм. Ялангуяа тогтмол бэлгийн хамтрагчгүй, эсвэл хамтрагч нь халдвар авах өндөр эрсдэлтэй хүмүүсийн хувьд илүү аюултай” гэж түүний мэдэгдэлд өгүүлжээ.

 

Сэксийг ганцаараа хийх нь хамгийн аюул багатай арга зам мөн бол эрсдэлтэй бүлгийн хүнтэй, тохиолдлын хүнтэй хавьталд орохдоо үнсэх, нүүр нүүрээрээ тулгарахаас зайлсхийх, болж өгвөл амны хаалт хэрэглэх хэрэгтэйг Тереза Там зөвлөсөн байна.

 

Бас архи, согтууруулах ундааны хэрэглээгээ хязгаарлах нь эрсдэлтэй шийдвэр гаргахаас зайлсхийхэд тустайг тэр анхааруулжээ.

 

Хэдийгээр бэлгийн замаар коронавирусийн халдвар дамжих магадлал маш бага боловч аль болох бэлгэвч хэрэглэхийг Там эмч зөвлөсөн байна.

 

Есдүгээр сарын 1-ний байдлаар Канад улсад коронавирусийн халдварын 129,425 тохиолдол бүртгэгдэж, 9,132 хүн нас бараад байгаа юм. Өдөрт илэрдэг тохиолдлын тоо нь оргил үеэсээ буурсан ч сүүлийн үед баруун мужуудад нь вирусийн тархалт идэвхжих хандлага ажиглагдаж эхэлжээ.

 

Эх сурвалж: AFP

Канадын анагаах ухааны шилдэг мэргэжилтэн амны хаалттай бэлгийн харилцаанд орохыг хүмүүст зөвлөв