Их Британи болон Уэльсын Засгийн газрууд ухаалаг утсанд хадгалагдсан дугаарыг мөрдөх зарчмаар ажилладаг хавсралт гаргажээ. Энэхүү хавсралт нь утасны эзэн халдвар авсан байх эрсдэлийг тодорхойлох эсвэл халдвар авсан хэн нэгэнтэй ойртсон үед 14 хоногийн хувийн тусгаарлалтад орох хэрэгтэй гэж сануулдаг байна. 

 

Англи болон Уэльсэд амьдарч буй 16 болон түүнээс дээш настай хүн бүр тус хавсралтыг яаралтай утсандаа суулгах хэрэгтэй гэж Засгийн газрын зүгээс шаардаж байгаа ажээ. 

 

Мөн уг хавсралт нь утасны эзний очсон газраас халдвар илэрсэн эсэхийг шалгах функцтэй байна. Хоёр улсын эрүүл мэндийн асуудал хариуцсан мэргэжилтнүүд энэхүү хавсралтыг коллеж болон их дээд сургуулийн оюутан, сурагчид гээд аль болох хүнийг хамарсан хэрэглээтэй болгох үүднээс дээрх шаардлагыг гаргажээ.

 

Шотландын “Protect Scotland” гэх вирус илрүүлэгч хавсралтыг мөн адил 16 нас хүрээгүй бол ашиглах боломжгүй. Гэхдээ Умард Ирландын “StopCOVID NI”-ийг гаргасан мэргэжилтнүүд энэ сарын сүүлээр 18-аас доош насныханд зориулсан хувилбар гаргахаар төлөвлөж байгаагаа мэдэгдэв.

 

Эх сурвалж: BBC

Англи коронавируст зориулсан хавсралт гаргажээ