НҮБ-ын Аюулгүйн Зөвлөл Малид үүссэн нөхцөл байдлын талаар лхагва гарагт яаралтай хуралдаан хийх төлөвтэй байна гэж дипломат эх сурвалжууд мягмар гарагт мэдээлжээ.

 

Хаалттай хуралдаан хийх хүсэлтийг Франц, Нигери, Тунис, Кени, Сент-Винсент ба Гренадин гаргасан бөгөөд сүүлийн дөрвөн орон нь одоо Аюулгүйн Зөвлөлийн байнгын бус гишүүний үүргийг гүйцэтгэж байгаа юм. Өмнө нь Францын Гадаад хэргийн сайд Жан-Ив Ле Дриан Малид үүссэн нөхцөл байдлын талаар тусгай уулзалт хийх хүсэлт гаргана гэдгээ мэдэгдсэн ч хэзээ хуралдахыг тодорхой дурдаагүй байжээ.

 

Мали улсын түр Ерөнхийлөгч, Ерөнхий сайд нарыг үүргээс нь чөлөөлсөн гэдгээ тус улсын цэргийн хунтын удирдагч, хурандаа Ассими Гоита мягмар гарагт мэдэгдсэнийг олон улс зэмлэн буруушааж байгаа юм. 

 

Эх сурвалж: MONTSAME

Малид үүссэн нөхцөл байдлын талаар НҮБ хуралдана