Нью-Мехикод явагдаж байсан кино зураг авалтын үеэр хүн амины хэрэг гарсан тухай мужийн эрх баригчид мэдэгдлээ. "Rust" нэртэй киноны гол дүрийг бүтээж байсан жүжигчин Алек Болдвин буу алдаж тэнэсэн сум нь зураглаач Халина Хатчинсийн аминд хүрчээ. Харин найруулагч Жөүл Соуза хүндээр шархдан эмчлүүлж байна.  

 

Мужийн шерифийн албанаас уг хэргийн мөрдөлт нээлттэй явагдаж буйг хэлээд Алек Болдуин мөрдөн байцаагчидтай ярилцахаар сайн дураараа ирсэн гэдгийг хэлжээ. Байцаалтаас нүдэндээ нулимстай гарч ирсэн Болдуиноос тайлбар гэсэн сэтгүүлчдийн оролдлого бүтэлгүйтсэн тухай The Guardian мэдээллээ. 

 

 "Rust" нэртэй киног Жөүл Соуза найруулж, Болдуин  гол дүрд нь тоглохын зэрэгцээ продюсероор ажиллаж байсан юм. 

Киноны зураг авалтын үеэр буу алдсан хэрэг гарчээ