Цөөн үгээр:
  • "Morningstar" хамтлагийн гоцлол дуучин Б.Аззаяад хар тамхины хэргээр нэг жилийн хорих ял оноожээ.
  • “Охидын чимээ” өсвөр насны охидод зориулсан арга хэмжээ зохион байгуулагдлаа
Мета компани дэлхийн хамгийн хурдан супер компьютер бүтээж байгаагаа зарлав
2 жил өмнө   336
Мета компани дэлхийн хамгийн хурдан супер компьютерыг зохион бүтээж байгаа тухай тус компанийн үүсгэн байгуулагч Марк Закербэрг өчигдөр зарлажээ.
 
Бодит болон хийсвэр ертөнцийг холбох зориулалттай метаверс технологийг хөгжүүлэхэд компьютерын асар их хүч шаардах тул ийм төсөл хэрэгжүүлж байгааг тэр блогтоо тайлбарлан бичсэн байна.
 
Мета компанийн хөгжүүлж буй хиймэл оюун ухаанд суурилсан AI based Research SuperCluster (RSC) нь одоогоор дэлхийн тав дахь хурдан компьютер болоод байгаа гэнэ.
 
Төсөл энэ оны зун бүрэн хэрэгжиж дуусах ба тэр үед чадал нь нэмэгдэж дэлхийн хамгийн хурдан супер компьютер болох юм байна.
 
“Бидний бүтээх метаверс ертөнц тооцоолуурын асар их хүч (секундэд олон квинтиллион үйлдэл!) шаардах ба RSC олон их наяд жишээнээс суралцдаг, олон зуун хэлийг ойлгодог шинэ AI загварыг ажиллуулах чадвартай байх юм” гэж Закербэрг бичжээ.
 
2.8 тэрбум идэвхтэй хэрэглэгч бүхий дэлхийн хамгийн том сошиал платформыг эзэмшдэг Фэйсбүүк компани өнгөрсөн онд нэрээ Мета болгон өөрчилж, метаверс хэмээх технологийн шинэ эринд тэргүүлэх зорилго тавьсан юм.
 
 
 
Эх сурвалж: The Guardian
Мета компани дэлхийн хамгийн хурдан супер компьютер бүтээж байгаагаа зарлав
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0