Цөөн үгээр:
  • "Мөрдөн шалгах ажиллагааны явцад амь хохирогч Б галт зэвсэг эзэмших сургалтад хамрагдсан, галт зэвсэг худалдаж авсан нь тогтоогдож байна"
  • Зүүн дөрвөн замаас Халдвартын уулзвар хүртэлх замын хөдөлгөөнийг өнөөдөр 23:00 цагт нээнэ
  • Туркийн Истанбул хотод суух Ерөнхий консул Д.Анхбаяр үүрэгт ажилдаа оржээ
Орос, Украины хэлэлцээ өдөр бүр үргэлжилнэ
2 жил өмнө   275
Орос, Украины хэлэлцээ өдөр бүр үргэлжилнэ гэж Оросын Ерөнхийлөгчийн туслах бөгөөд төлөөлөгчдийн тэргүүн Владимир Мединский даваа гарагт мэдэгджээ.
 
“Украины талтай хийж буй хэлэлцээ өдөр бүр, долоо хоногийн долоон өдөр видео хурлын хэлбэрээр болно” гэж тэрбээр “Telegram” хуудсаараа дамжуулан мэдээлсэн байна. Мөн цахим уулзалтыг цаг хугацаа хэмнэж байгаагаас гадна илүү үр дүнтэй хэмээн тодорхойлсон байна.
 
“Бид ОХУ-ын Ерөнхийлөгч Владимир Путиний Оросын ирээдүйн энх тайвны төлөө тавьсан үүрэг даалгаврыг биелүүлэхийн тулд боломжтой бүх зүйлийг хийхийг хичээж байна” гэж тэрбээр бичжээ.
 
Орос, Украины хэлэлцээний дөрөв дэх үе шат даваа гарагт цахим хэлбэрээр явагдсан юм. Украины Ерөнхийлөгчийн зөвлөх, хэлэлцээний төлөөлөгч Михаил Подолякийн мэдээлснээр, хэлэлцээнд мягмар гараг хүртэл "техникийн түр завсарлага" авсан байна. 
 
Эх сурвалж: MONTSAME
Орос, Украины хэлэлцээ өдөр бүр үргэлжилнэ
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0