1994 онд Японы Тоёота корпорацын салбар компани Denso Wave их хэмжээний мэдээллийг хялбар түргэн уншуулж, таниулах зориулалттай дүрст тэмдэглэгээг зохион бүтээсэн нь QR (Quick Response) код байв.

 

Уг бүтээл хүмүүсийн ажил, амьдралд маш их ач тустай зүйл болсон билээ. Гэхдээ QR кодын квадрат дөрвөлжин хэлбэр нь зарим хэрэглээнд тохиромжгүй нь батлагдсан юм.

 

Тухайлбал зай талбай хязгаарлагдмал нөхцөлд ийм кодыг байрлуулж хэрэглэхэд тохиромж муутай.

 

Стандарт QR код нь 7,089 ширхэг цифр эсвэл 4,296 ширхэг латин үсэг агуулах багтаамжтай байдаг. Зарим хэрэглээнд ийм их мэдээллийн багтаамж шаардлагагүй юм.

 

Тиймээс Denso Wave компани Micro QR кодын стандартыг зохион бүтээж байв. Энэ нь нарийн, урт хэлбэртэй, 35 ширхэг цифр, эсвэл 21 ширхэг үсгийн багтаамжтай.

 

Хэтэрхий бага багтаамжтай нь үүний сул тал болж байжээ. Тэгвэл Denso Wave үүнийгээ улам боловсронгуй болгож, rMQR хэмээх шинэ стандартыг боловсруулсан байна.

 

Энэ нь Micro QR кодын багтаамжийг арав дахин өсгөжээ. Тухайлбал 361 хүртэл тооны цифр, 219 хүртэл тооны үсэг багтаах боломжтой болсон байна. rMQR кодыг олон улсын стандартчиллын байгууллага ISO саяхан баталснаар хэрэглээнд нэвтэрч эхэлжээ.

 

Ийм кодыг зургийн хүрээ буланд байрлуулах, хуруу шил зэрэг гүдгэр гадаргуутай биет дээр хэвлэж ашиглахад тохиромжтой юм.

 

Эх сурвалж: Japan Times

QR кодын шинэ хувилбар Японд нэвтэрлээ