Пүрэв гарагт Тайландын нийслэл Бангкок хотын нисэх буудлын урсдаг замд нэгэн зорчигч эмэгтэйн хөл хавчуулагдсан тул эмч нар өвдөгнөөс нь дээгүүр тайрчээ.
“Дон Муеан олон улсын нисэх буудлын өмнөөс би болсон явдалд гүн эмгэнэл илэрхийлж байна. Бид дахин ийм осол гаргахгүйн тулд бүх анхаарлаа тавьж ажиллах болно” гэж нисэх буудлын захирал Карун Танакулжерапат мэдэгджээ.
Нисэх буудал хохирогч эмэгтэйн эмчилгээний бүх зардлыг гаргаснаас гадна бусад нөхөн төлбөрийн талаар тохиролцоход бэлэн байгааг тэр бас хэлсэн байна.
Тайрсан хөлийг буцаан залгах боломжгүйг ослын газарт ажилласан эмч нар мэдэгджээ. Хохирогч эмэгтэй залгах боломж байгаа эсэхийг шалгахаар өөр эмнэлэгт хандаж байгаа гэнэ.
Инженер мэргэжилтнүүд одоо урсдаг замыг хааж, ослын шалтгааныг тогтоохоор ажиллаж эхэлснийг Карун сэтгүүлчдэд мэдээлсэн байна.
| Урсдаг замд хавчуулагдсан эмэгтэйн хөлийг тайрчээ |
|
