Швейцар улсын Давос хотноо уламжлал болон зохион байгуулагддаг Дэлхийн эдийн засгийн чуулга уулзалт өнөөдөр эхэллээ. 48 дахь чуулга уулзалтад АНУ-ын Ерөнхийлөгч Д.Трамп, Францын Ерөнхийлөгч Э.Макрон, Канадын Ерөнхий сайд Ж.Трюдо, ИБУИНВУ-ын Ерөнхий сайд Т.Мэй, Энэтхэгийн Ерөнхий сайд Н.Моди нарын 70 орны төр, засгийн тэргүүн, 350 гаруй Засгийн газрын гишүүн нийт 3000 гаруй төлөөлөгч оролцохоор болжээ.
Энэ жил “Талцсан дэлхий ертөнцөд хамтын ирээдүйг цогцлоох нь” гэх ерөнхий сэдвийн хүрээнд 4 өдрийн турш хуралдаж, дэлхий нийтийн эдийн засаг, нийгмийн томоохон асуудлуудыг авч хэлэлцэнэ.
Тус чуулга уулзалтад манай улсаас Гадаад харилцааны сайд Д.Цогтбаатар, Уул уурхай, хүнд үйлдвэрийн сайд Д.Сумъяабазар тэргүүтэй төлөөлөгчид оролцохоор Швейцар улсыг зорьсон байна.
ДАВОСЫН ЧУУЛГА УУЛЗАЛТ ЭХЭЛЛЭЭ |
|