Цөөн үгээр:
  • "Morningstar" хамтлагийн гоцлол дуучин Б.Аззаяад хар тамхины хэргээр нэг жилийн хорих ял оноожээ.
  • “Охидын чимээ” өсвөр насны охидод зориулсан арга хэмжээ зохион байгуулагдлаа
ХДХВ-ийн халдвар бүрэн эдгэрсэн 2 дахь тохиолдхол бүртгэгдлээ
4 жил өмнө   483
 Их Британийн эмч нар Венесуэл гаралтай Адам Кастильехогийн ХДХВ-ийн халдвар бүрэн эдгэрсэн болохыг мэдэгджээ. Түүнд үүдэл эсийн эмчилгээ хийсний дараа уг вирусийн халдвар дахин илрээгүй тухай өнгөрсөн онд мэдэгдэж байсан билээ. 
 
Энэ нь ХДХВ-ийн халдвараас бүрэн эмчлэгдсэн хоёр дахь тохиолдол болж байгаа юм. “Кастильехог эдгэрсэн тухай зарласан нь шинжлэх ухааны салбарынхныг хөл хөдөлгөөнд оруулж, ХДХВ-ийн эмчилгээнд шинэ арга барилыг эрж хайхад түлхэц өглөө” гэж “New York Times” сонин мэдээлжээ.
 
Өдгөө 40 настай Кастильеход 2003 онд 23 настайд нь ХДХВ-ийн халдвар илэрчээ. Тэрбээр энэ үед Лондонд хэдийнээ суурьшчихсан байсан байна. Ходкины лимфома буюу бие махбодын дархлааны тогтолцооны нэг хэсэг болох лимфийн системд нөлөөлдөг хорт хавдар 2011 онд оношлогдох хүртэл тэрбээр ретровирусийн эсрэг эмчилгээ хийлгэж байжээ. Хорт хавдрын эмчилгээний хүрээнд түүнд чөмөг шилжүүлэн суулгасан нь мөн халдвараас ангижрахад тусалсан байна.
 
Кэмбрижийн их сургуулийн эрдэмтдийн мэдээлснээр, “remissio” буюу шинж тэмдгүүд нь аажмаар багасах эсвэл алга болох хэлбэрээр илэрдэг архаг өвчний явцын үе Кастильеход З0 сарын турш үргэлжилж, түүний цуснаас вирус алга болсон байна.
 
Эх сурвалж: INTERFAX.RU
ХДХВ-ийн халдвар бүрэн эдгэрсэн 2 дахь тохиолдхол бүртгэгдлээ
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0