Өвөрхангай аймгийн Тарагт сумын ерөнхий боловсролын сургууль орчин үеийн шаардлагад нийцсэн тохилог, дулаан  100 хүүхдийн багтаамжтай дотуур байртай боллоо. Тус сургуулийн хуучин дотуур байр 1973 онд баригдсан бөгөөд Мэргэжлийн хяналтын байгууллагаас  сурагчдын эрүүл аюулгүй байдалд сөрөг нөлөөтэй гэдэг дүгнэлтийг 2012 онд гаргасан байдаг. Гэвч нийгэм, эдийн засгийн нөхцөл байдлаас шалтгаалж шинэ дотуур байр барих санхүүжилтийн асуудал шийдэгдэхгүй байсан юм.

 

         Аймгаас сонгогдсон гишүүн анхаарал тавьж, дотуур байрны санхүүжилтийг улсын төсөвт суулгаж өгснөөр  ийнхүү 46 жилийн дараа сурагчид  орчин үеийн тохилог шинэ байранд сурч, амьдрах нөхцөл боломж бүрдлээ. 

             

Энэхүү бүтээн  байгуулалтыг “Нутгийн буян” компани барьж гүйцэтгэсэн юм байна.  Өрөөний тохижилтонд нутгийн иргэд, эцэг эхчүүд, сурагчид гар бие оролцсон юм байна. 

Ц.ОРГИЛ

 

Тарагт сум 100 хүүхдийн дотуур байртай боллоо