Японы бэлэн хувцасны Uniqlo компанийн Токио хотын Ариаке дүүрэг дэх агуулах өмнө нь хүн бужигнасан газар байв. Тэгвэл одоо тэнд голдуу роботууд ажиллах болжээ.

 

Uniqlo саяхан энэ агуулахынхаа үйл ажиллагааг бүрэн шинэчилж, Дайфуку компанитай хамтран роботжуулсан систем суурилуулсан байна. Дайфуку нь эд материалыг эмхлэх, зохион байгуулах систем хөгжүүлдэг компани юм.

 

Шинэчлэлийн дараа Токиогийн агуулахын ажилчдын 90 хувийг роботоор сольж, 24 цаг ажилладаг болжээ.

 

Uniqlo-гийн эцэг компани Fast Retailing нь Дайфуку компанитай стратегийн түншлэлийн гэрээ байгуулж, өөрийн Япон болон дэлхий даяар байгаа бүх агуулахуудыг бүрэн автоматжуулах зорилт тавьсан юм.

 

Энэ үйлсэд тэд 100 тэрбум иений ($887 сая) хөрөнгө оруулалт хийхээр төлөвлөжээ. Ингэснээр үйл ажиллагааны зардал хэмнэгдэхээс гадна бараа бүтээгдэхүүнийг дэлхий даяар богино хугацаанд түгээх боломжтой болно гэж Uniqlo-гийн удирдлага үзэж байна

 

Тус компани одоо жилд 1.86 их наяд иений борлуулалт хийдэг бөгөөд үүнийгээ 3 их наядад ($26.6 тэрбум) хүргэх зорилготой байна.

 

 

 

Эх сурвалж: Quartz

Uniqlo компани нэг агуулахынхаа ажилчдын 90 хувийг роботоор сольжээ