1. Хувцас үйлдвэрлэлийн алдарт "Gap" брэндийн үүсгэн байгуулагч Дональд Фишер 40 наснаасаа өмнө жижиглэнгийн худалдааны зарчмыг олоогүй байжээ.

2. Henry Ford 1908 онд 45 настайдаа Т-Моделийн автомашинаа зохион бүтээсэн.

3. Марвел комиксийн баатруудыг бүтээгч Стэн Ли 1961 онд 39 насны төрсөн өдрөөрөө "Гайхамшигт 4" комикоо бүтээсэн нь түүний анхны амжилтанд хүрсэн уран бүтээл болжээ. 

4. Вера Ван 40 настайдаа загварын ертөнцөд орохоосоо өмнө уран гулгагч, сэтгүүлч зэрэг ажилтай байсан ч амжилтанд хүрээгүй. Өнөөдөр тэрээр дэлхийн тэргүүлэх эмэгтэй дизайнеруудын нэг юм.

5. Рэй Крок 1954 онд 52 настайдаа Макдональдсыг худалдаж авахаас өмнө сүүний төхөөрөмж борлуулагчаар ажиллаж байлаа. Тэрээр дэлхийн хамгийн том түргэн хоолны франчайзыг хөл дээр нь босгосон юм.

6. 1952 онд Kentucky Fried Chicken буюу KFC франчайзыг 62 настай Харланд Сандерс үүсгэн байгуулжээ. Сандерс бизнесээ 12 жилийн дараа 2 сая доллараар заржээ.

7. Самуэль Л.Жэксон өмнө нь жүжигчний мэргэжлээр ажиллаж байсан ч 1991 онд бүтээгдсэн "Jungle Fever" гэдэг кинонд 43 настайдаа тоглосны дараа л олонд танигдаж алдаршжээ.

8. Сэм Уолтон 1962 онд Арканзас муж улсын Рожерс хотноо анхны Wal-Mart-ыг байгуулж байхдаа 44 настай байжээ.

9. Чарльз Дарвин амьдралынхаа ихэнх хугацааг судалгааны ажилд зориулсан. Улмаар 1859 онд хэвлүүлсэн "Зүйлийн үүсэл" сэдэвт эрдэм шинжилгээний ажил нь түүнийг алдрын оргилд аваачсан.

10. Эрдэм шинжилгээний ажилтан байсан Тайкичиро Мори нь 51 настайдаа Мори барилгын компаниа байгуулж үл хөдлөх хөрөнгийн зах зээлд хөрөнгө оруулж эхэлжээ. 1992 он гэхэд тэрээр 13 тэрбум долларын хөрөнгөөрөө дэлхийн хамгийн баян эрхмүүдийн нэг болсон байв.

Бэлтгэсэн: Д.Оюунбат