Цөөн үгээр:
  • Гамшгийн хохирол, хэрэгцээний шуурхай үнэлгээ хийж, мэдээллийн сан бүрдүүлнэ
  • Өмнөд Солонгос: Нэг сүмд явдаг 10 хүн халдвар авчээ
  • Тамирын голоос 40 гаруй адууны толгой, арьс шир гарган авлаа
Ё.Баатарбилэг сайд дэлхийн боловсролын сайд нарын чуулга уулзалтад оролцож байна
1 сар өмнө   190
Монгол Улсын Боловсрол, соёл, шинжлэх ухаан, спортын сайд Ё.Баатарбилэг Их Британи, Умард Ирландын Нэгдсэн Хаант Улсын Лондон хотноо 2020 оны нэгдүгээр сарын 20-22-ны өдрүүдэд болж буй Дэлхийн боловсролын сайд нарын чуулга уулзалтад оролцож байна.
 
2002 оноос эхтэй Дэлхийн боловсролын сайд нарын чуулга уулзалтад урьд жилүүдэд дунджаар 80-90 орны Боловсролын сайд оролцож, салбарт тулгамдаж байгаа бэрхшээл, түүнийг даван туулах арга зам, бодлого, ололт амжилт, туршлагаасаа хуваалцаж иржээ.
 
 
2020 оны чуулга уулзалт “Боловсролыг өөрчлөхөд нэг үеийнхэн юу хийх хэрэгтэй вэ?” сэдвийн дор 100 гаруй орны сайд оролцож, боловсролын өөрчлөлт, шинэчлэлт, чанар, алсын хараа, технологи, хамтын ажиллагаа, манлайлал зэрэг сэдвийн хүрээнд илтгэл, хэлэлцүүлэг хийж, санал солилцож байна.
 
Боловсрол, соёл, шинжлэх ухаан, спортын сайд Ё.Баатарбилэг тус чуулга уулзалтын үеэр Их Британи, Умард Ирландын Нэгдсэн Хаант Улс, Мьянмарын Холбооны Бүгд Найрамдах Улс, Бутаны Хаант Улс, Бүгд Найрамдах Ирак зэрэг улсын Боловсролын сайдтай уулзаж, хамтын ажиллагааны талаар санал солилцлоо.
 
Ц.ОРГИЛ
Ё.Баатарбилэг сайд дэлхийн боловсролын сайд нарын чуулга уулзалтад оролцож байна
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0