Монгол Улсаас Бүгд Найрамдах Молдов Улсад суух Онц бөгөөд Бүрэн эрхт Элчин сайд Л.Саянаа тус улсын Ерөнхийлөгч Майя Санду-д энэ сарын 15-ны өдөр Итгэмжлэх жуух бичгээ өргөн барив.

 

Элчин сайд Л.Саянаа Монгол Улсын Ерөнхийлөгч Ухнаагийн Хүрэлсүхийн мэндчилгээг Ерөнхийлөгч М.Санду-д уламжилж, хоёр орны хооронд дипломат харилцаа тогтоосны түүхэн 30 жилийн ой энэ онд тохиож буйг онцлон, Монгол, Молдовын найрсаг харилцааг цаашид улам бэхжүүлж, харилцаа, хамтын ажиллагааг бүхий л салбарт өргөжүүлэн хөгжүүлэхийн төлөө хүчин чармайлт гарган ажиллахаа илэрхийлсэн байна.

 

Молдова Улсын Ерөнхийлөгч М.Санду хоёр талын харилцаа, хамтын ажиллагааг ард түмний сайн сайхны төлөө, харилцан ашигтай, сонирхол бүхий тодорхой салбаруудад өргөжүүлэн хөгжүүлэх боломж бүрэн байгааг тэмдэглээд, Элчин сайд Л.Саянаад баяр хүргэж, ажлын өндөр амжилт хүсжээ.

Элчин сайд Л.Саянаа Молдовын Ерөнхийлөгчид Итгэмжлэх жуух бичгээ өргөн барив