АНУ-д “COVID-19”-ийн 165 сая гаруй тун вакциныг тариад байна гэж тус улсын Өвчинд хяналт тавих, урьдчилан сэргийлэх төв /CDC/ ням гарагт мэдээллээ.

 

“CDC”-ийн мэдээлснээр, улсын хэмжээнд 207 891 295 тун вакцины 79 орчим хувийг буюу 165 053 700 гаруй тунг нь тарьжээ. АНУ-д сүүлийн 24 цагийн хугацаанд 3.4 сая тун вакциныг тарьсан бол өнгөрсөн долоо хоногт өдөрт дунджаар 3.1 сая орчим тун вакцин тарьсан байна.

 

Ингэснээр АНУ-ын хүн амын 32 орчим хувь буюу 106 сая гаруй хүн вакцины ядаж нэг тунг хийлгэсэн бол 61 сая орчим хүнийг /18.5 хувь/ бүрэн вакцинжуулжээ.  АНУ-д "Pfizer/BioNTech", "Moderna" компанийн хоёр тунт вакцин, "Johnson & Johnson" компанийн нэг тунт вакциныг хэрэглэж байгаа юм. 

 

Эх сурвалж: CNN

АНУ-д өдөрт гурван сая гаруй тун вакцин тарилга хийж байна